بالتأكيد عدى عليكم وقت فكرتوا في حاجات زي :
يا تري ابني متأخر؟
يا ترى بنتي اللي ما مشيتش على سنة زي أخوها، عندها مشكلة؟
وأكيد سمعتوا كلام كتير عكس بعضه من مصادر مختلفة ومش عارفين الصح من الغلط.
عشان كده عملنا لكم مجموعة أدوات “نتابع سوا” وهي أدوات تقدروا تتابعوا بيها نمو وتطور أطفالكم، وتعرفوا امتى هاتكونوا محتاجين تطمنوا من أحد أطباء الأطفال.
الأدوات دي عبارة عن قوائم فيها أهم المهارات اللي مفروض الطفل يكتسبها والتطورات اللي تحصل له في سن معين، يقدر كل أب و أم يستعملوا القايمة دي ويعلموا على المهارات والتطورات اللي لاحظوها، أو ياخدوا بالهم عشان يلاحظوها بعد كده.
.لو لقينا في مهارة معينة أو تطور محصلش، ده مش معناه بالضرورة ان فيه مشكلة عند ابنك أو بنتك، لكن معناه اننا محتاجين نرجع للوحدة الصحية أو لأحد أطباء الأطفال.
هذه الأدوات تم تطويرها بالتعاون مع شركة شمسية لإدارة الأنظمة الصحية
